ABŞ-dan Ukraynaya “Tomaqavk” qanadlı raketlərinin tədarükü ilə bağlı çətinliklər Çin rəhbərliyinin qərarı ilə bağlı ola bilər.
Yeniera.az xəbər verir ki, bu barədə Almaniyanın “Berliner Zeitung” qəzeti yazır.
Məqalədə deyilir: “Cümə günü Ukrayna prezidenti Volodimir Zelenski ilə görüşü ərəfəsində ABŞ prezidenti Donald Trampın Ukraynaya indiyə qədər olduğundan daha əhəmiyyətli dəstək vermək imkanı çox azdır. Bunun səbəbi Rusiyanın hərbi gücü və üstünlüyündə deyil, Pekindədir”.
Nəşr qeyd edir ki, ötən həftə Çinin Ticarət Nazirliyi nadir torpaq metallarının ixracına məhdudiyyətlər qoyan sənəd dərc edib.
Yeni qaydalara əsasən, artıq xarici şirkətlər tərkibində az miqdarda belə metallar olan məhsulların ixracı üçün Çin hökumətindən icazə almalı və onların təyinatını bəyan etməlidir.
Bu məhdudiyyətlər ABŞ-ın müdafiə sənayesinə ciddi zərbə vurur, çünki nadir torpaq elementləri hərbi texnika və geniş çeşiddə yüksək texnologiyalı məhsulların istehsalı üçün vacibdir.
Yeganə
