Qısqanclıq hər insanda fərqli dərəcədə olsa da astrologiyada bəzi bürclərin bu hissi daha güclü yaşadığı deyilir. Bu, onların emosional təbiəti, bağlılıq forması və təhlükəsizlik ehtiyacı ilə əlaqələndirilir.

Sfera.az ən qısqanc bürcləri oxucularının diqqətinə çatdırır.

Əqrəb

Əqrəb bürcü çox dərin hisslərə malikdir. Sevəndə tam və güclü bağlanır. Bu səbəbdən itirmək qorxusu və güvənsizlik hissi qısqanclığı artırır. Əqrəb şübhələnəndə bunu gizlətmir və münasibətdə nəzarəti əlində saxlamağa çalışır.

Buğa

Buğa bürcü sabitliyi və sahibkarlıq hissi ilə tanınır. Sevdiyi insana çox bağlanır və onu “öz dünyasının bir hissəsi” kimi görür. Buna görə də başqalarının müdaxiləsi və ya diqqəti onda qısqanclıq yarada bilər.

Şir

Şir bürcü diqqət və dəyər görməyi sevir. Sevdiyi insanın başqa birinə çox diqqət göstərməsi onun qürurunu yaralaya bilər və bu da qısqanclığa səbəb ola bilər.

Xərçəng

Xərçəng emosional və həssasdır. Münasibətdə təhlükə hiss edəndə dərhal özünü qorumağa keçir və qısqanclıq göstərə bilər, amma bunu çox vaxt inciklik və küskünlük formasında ifadə edir.

Qısqanclıq təkcə bürcdən asılı deyil əsas rol insanın xarakteri, keçmiş təcrübələri və münasibətə yanaşmasıdır. Bürclər isə sadəcə ümumi meyilləri göstərir.