Zərərsiz görünən kosmetik və fərdi qulluq məhsullarının tərkibində hələ də insan sağlamlığı üçün təhlükə yarada bilən maddələr var.
Yeniera.az xəbər verir ki, bu barədə “CNN” məlumat verib.
2025-ci il üçün Gözəllik və Fərdi Qulluq Tərkibinin Hesabatı şampun, kondisioner, tonal krem və pomada kimi məhsullarda yüksək təhlükəli kimyəvi maddələrin hələ də üstünlük təşkil etdiyini ortaya qoyub.
Etiketlərdə qeyd olunmayan təhlükələr
Araşdırmaya görə, ABŞ və Kanadada satılan 231 kosmetik məhsulun 52 faizində PFAS adlı kimyəvi maddələr aşkar edilib. Bu maddələr hormon balansını poza bilər və xərçəngdən tutmuş sağlamlıq problemləri ilə əlaqələndirilir.
Bundan əlavə, məhsulların 88 faizinin etiketində əskik olduğu aşkarlanıb.
Mütəxəssislər, saç düzləşdiricilərinin tərkibində olan formaldehid kimi maddələrin xüsusilə qaradərili qadınlar üçün nəzərdə tutulan məhsullarda üstünlük təşkil etdiyini və bu kimyəvi maddələrin xərçənglə əlaqəli olduğunu vurğulayırlar.
Ən çox istifadə olunan zərərli maddələr
Hesabatda ən çox diqqət tələb edən kimyəvi maddələr də sadalanır:
Siklopentasiloksan və Siklometikon (silikon törəmələri)
Metilparaben (hormonları pozan)
BHT (Butilləşdirilmiş hidroksitoluen) (endokrin pozucu və ekoloji cəhətdən zəhərli)
D&C Red 27, 28 (immunitet və reproduktiv sistemlərə təsir edən boyalar)
Təhlükəsiz alternativlər mümkündür.
Hesabatı hazırlayan “ChemFORWARD” təşkilatı, təhlükəli kimyəvi maddələrin nisbətinin 2 faiz azaldığını və təhlükəsiz formulaların artdığını bildirib. Bununla belə, 50.000 məhsulun təxminən 4 faizində hələ də yüksək riskli maddələr olduğu aşkar edilmişdir.
Yeganə
