Fransada pensiya islahatı 2027-ci ilin yazında keçiriləcək növbəti prezident seçkilərinə qədər dayandırılacaq.
Yeniera.az xəbər verir ki, bunu Fransanın baş nazir Sebastien Lekornu hökumətin ümumi siyasəti ilə bağlı Milli Assambleyada çıxışı zamanı bildirib.
Onun sözlərinə görə, Fransa hökuməti gələcək pensiya sisteminin yeni müzakirəsinə hazırdır.
“Ölkənin ən böyük sərvəti onun kollektiv şəkildə irəliləmək qabiliyyətidir. Ona görə də bu ilin payızında parlamentə təklif edəcəyəm ki, 2023-cü il pensiya islahatı prezident seçkilərinə qədər dayandırılsın”, – siyasətçi əlavə edib.
Lekornu həmçinin qeyd edib ki, respublika hazırda ağır böhranlar yaşayır. O, vəziyyətin təcili tədbir görülməsini tələb etdiyini və buna görə də Fransa prezidenti Emmanuel Makronun 2026-cı il büdcəsini qəbul etmək üçün yeni hökumətin formalaşdırılması əmrini qəbul etdiyini vurğulayıb.
“Bəziləri istəyir ki, bu parlament böhranı rejim böhranına çevrilsin. Amma bu, baş verməyəcək”, -deyə baş nazir vurğulayıb.
Yeganə
