Rusiyanın Polşa ərazisinə pilotsuz uçuş aparatları ilə etdiyi son hücumlar təsadüfi olmayıb, bu məqsədli şəkildə edilib.
Yeniera.az xəbər verir ki, bu bəyanatı Ukraynada səfərdə olan Polşanın xarici işlər naziri Radoslav Sikorski Kiyevdəki Polşa səfirliyinin qarşısında çıxış edərəkən verib.
“Həmin gecə Polşaya 19 rus dronu göndərilən zaman, Ukraynaya 400-dən çox raket və əlavə 40 dron buraxılmışdı. Bu, səhv deyildi”, – nazir qeyd edib.
Qeyd edək ki, Ukrayna tərəfi rus teleqram kanallarına istinadən dronların Polşaya NATO-nun özünü müdafiə qabiliyyətinin zəifliyini göstərmək üçün göndərildiyini bildirir.
Xatırladaq ki, ABŞ prezidenti Donald Tramp Rusiya PUA-larının Polşaya yanlışlıqla keçə biləcəyini deyib.
