Türkiyənin xarici işlər naziri Hakan Fidan bildirib ki, Ukraynadakı münaqişə Avropa iqtisadiyyatına son dərəcə mənfi təsir göstərir və onun tezliklə həlli onun nəticələrini, o cümlədən enerji sektorunu yumşaltmağa kömək edəcək.
Yeniera.az xəbər verir ki, Fidan bu barədə Ankarada almaniyalı həmkarı İohann Vadephul ilə danışıqlardan sonra bildirib.
“Təkcə hər iki tərəf deyil, həm də Avropa iqtisadiyyatı, qlobal iqtisadiyyat, o cümlədən bizim iqtisadiyyat, ilk növbədə enerji sektorunda çox güclü mənfi təsirlərə məruz qalıb. Bu uzun sürən müharibədə Ukraynanın infrastrukturu, o cümlədən onun enerji sektoru məhv edilib. Bu, həm də enerji sektoru ilə bağlıdır.
Türkiyə onun bərpası üçün əlindən gələni etməyə hazırdır”, – deyə Fidan bildirib.
Türkiyəli nazirin sözlərinə görə, o, Almaniyanın xarici işlər naziri ilə Ukraynada nizamlanma perspektivlərini, xüsusilə atəşkəsin təmin edilməsini müzakirə edib: “Biz Ukraynada davam edən müharibəni, atəşkəsin mümkün təmin edilməsi məsələlərini müzakirə etdik və istəklilər koalisiyasının işini nəzərdən keçirdik.
Ukraynanın ərazi bütövlüyünü qorumaq, müharibəni mümkün qədər tez bitirmək, onun Avropaya və digər regionlara yayılmasının qarşısını almaq böyük əhəmiyyət kəsb edir”, – deyə Fidan qeyd edib.
O, həmçinin Türkiyənin Ukrayna münaqişəsinin həlli üçün vasitəçilik səylərini davam etdirməyə hazır olduğunu bildirib.
Yeganə
