ABŞ prezidenti Donald Tramp Vaşinqtonda təhlükəsizlik tədbirlərinin təsirli nəticə verdiyini açıqlayıb.
Yeniera.az xəbər verir ki, Trampın sözlərinə görə, paytaxtda avtomobil oğurluğu halları 87 faiz azalıb
Tramp əlavə edib ki, qəbul edilən qərarlar nəticəsində təkcə avtomobil oğurluğu deyil, digər cinayət kateqoriyalarında da ciddi azalma müşahidə olunur. “Cəmi 14 gün ərzində Vaşinqton planlaşdırılandan daha tez cinayətdən azad zona olacaq”, – deyə prezident qeyd edib.
Onun sözlərinə görə, fövqəladə vəziyyət Vaşinqtonun küçələrində təhlükəsizliyin təmin olunması və evsizlərin uzaqlaşdırılması məqsədilə tətbiq edilib. Tramp şəhər rəhbərliyini cinayət və evsizliklə effektiv mübarizə aparmamaqda ittiham edərək, Vaşinqtonun idarəçiliyinin federal hökumətin nəzarətinə keçməsinin vacibliyini bildirib.
Qeyd edək ki, şəhərə təxminən 800 nəfərlik Milli Qvardiya qüvvəsi yerləşdirilib, polis bölmələri isə federal nəzarətə alınıb.
Vüsal Ömərov
