ABŞ Prezidenti Donald Tramp Birləşmiş Millətlər Təşkilatının Baş Assambleyasında canlı efirdə tənqidi açıqlamalar verib.
Yeniera.az Qərb mətbuatına istinadən xəbər verir ki, Tramp açıqlamalarında bu fikirləri səsləndirib:
“Mən Qəzzada atəşkəsə nail olmaq üçün çalışıram, lakin HƏMAS mənim sülh təklifimi rədd etdi. Bəzi ölkələr Fələstin dövlətini tanıyır, lakin bu, HƏMAS üçün bir mükafatdır. Atəşkəs elan edilməlidir. Biz HƏMAS-a çox şey verməməliyik”.
“Biz dünyanın ən güclü iqtisadiyyatına və güclü ordusuna sahibik. Mən getdiyim dörd ildə fəlakətdən fəlakətə düşdük. Cənub sərhədimizdə işğala son qoyduq, 4 ay ərzində qeyri-qanuni keçidi sonlandırdıq. Boş sözlər müharibələri bitirmir. Yeddi ayda yeddi müharibəni bitirdim. Azərbaycan-Ermənistan və İran-İsrail onların arasındadır. Mən Birləşmiş Millətlər Təşkilatından bir dənə də olsun yardım təklifi almamışam” – deyə Tramp diqqətçəkən açıqlamalar verib.
Tramp Nobel Sülh Mükafatını qazana biləcəyi ilə bağlı fikrini belə bildirib:
“Hamı deyir ki, mən Nobel Sülh Mükafatına layiqəm. Burada çoxlu təşəkkürlər alıram. Çünki sonu görünməyən müharibələrə son qoyduq və milyonlarla insanın həyatını xilas etdik. Hazırda müharibələr gedir və biz onların da üzərində işləyirik”.
