Sabahdan etibarən paytaxt Bakıda geomaqnit qasırğası müşahidə olunacaq. Qasırğa zaman-zaman şiddətlənəcək.
Yeniera.az xəbər verir ki, ilk olaraq sabah – 10 oktyabr saat 21:00-dan orta səviyyəli qasırğa müşahidə edilməyə başlayacaq.
Orta şiddətli qasırğa 11 oktyabr saat 18:00-dan səngiyərək yerini kiçik geomaqnit pozuntularına verəcək. Bu isə 12 oktyabr saat 18:00-adək Yerə təsir göstərəcək. Ardınca isə zəif səviyyəli geomaqnit qasırğası müşayiət olunacaq.
Lakin bütünlükdə maqnit qasırğasının təsiri 12 oktyabr saat 18:00-da qüvvədən düşəcək.
Qeyd edək ki, geomaqnit qasırğası meteohəssas, yaşı 60-dan yuxarı olanlar və hər hansı bir xəstəliyi olan insanlarda narahatlıq yarada bilər. Belə günlərdə başağrısı, başgicəllənmə, ürəkbulanma, əzələ və oynaqlarda ağrı və yuxusuzluq halları baş verə bilər.
Geomaqnit qasırğasının sağlamlığa mənfi təsirini azaltmaq üçün telefon, kompüter, planşet, televizor kimi əşyalardan minimum istifadə edilməlidir.