Bu ilin birinci yarısında İrandan Ermənistana 152 milyon dollardan çox dəyərdə 644 min tondan çox mal ixrac edilib.
Yeniera.az-ın məlumatına görə, bunu İran və Ermənistan arasındakı Norduz gömrük məntəqəsinin direktoru Rza Tağızadə deyib.
“Ötən ilin müvafiq dövrü ilə müqayisədə malların həcmi çəkidə 29%, dollarla ifadədə isə 72% artıb. Bu gömrük məntəqəsindən ixrac olunan əsas məhsullar armatur, sement, profillər, meyvələr, klinker, natrium sulfiddir”, – deyə o vurğulayıb.
Onun sözlərinə görə, Norduz vasitəsilə tranzitin ümumi həcmi 176 min tondan çox olub ki , bu da ötən illə müqayisədə 13% çoxdur.
“Əsas tranzit məhsullarına avtomobil hissələri, siqaretlər, meyvələr, müxtəlif cihaz və avadanlıqlar daxildir”, – Tağızadə qeyd edib.
O əlavə edib ki, qeyd olunan müddətdə 56 qaçaqmalçılıq faktı aşkar edilib.
Leyla Cəfərova
