Avropa İttifaqı (Aİ) sammitinin iştirakçıları Aİ iqtisadiyyatının militarizasiyasını sürətləndirməyi tövsiyə etsələr də, hərbi cəbhədə praktiki qərarlar qəbul edə bilməyiblər.
Yeniera.az xəbər verir ki, bunu görüşlərdən birinin yekunlarına dair verilən bəyanat sübut edir.
“Avropa müdafiə sənayesinin imkanlarını artırmaq üçün Avropa Şurası Aİ ölkələrini müdafiə investisiyalarını Avropa Müdafiə Agentliyinin dəstəyi ilə silahların inkişafı, istehsalı və tədarükü üçün birgə layihələrə yönəltməyə çağırıb”, – sənəddə deyilir.
Sammit iştirakçıları Avropa Komissiyasına Ukraynanın maksimum iştirakı ilə hərbi proqram və layihələrin həyata keçirilməsini sürətləndirməyi tapşırıblar.
Sənəddə həmçinin Aİ-nin 27 ölkəsinin liderlərinin Avropa müdafiəsini cari və gələcək çağırışlar nəzərə alınmaqla 360 dərəcə qurmaq niyyəti qeyd olunur. Bu, Brüsselin Qərbdən, yəni ABŞ, Kanada və ya Böyük Britaniyadan gələn təhdidlərə qarşı durmağa hazırlaşmağa başladığını ifadə etmir.
Yeganə
