Elçin Babayev Bakı Dövlət Universitetinin rektoru təyin edildiyi vaxtdan bu yana BDU 71 satınalma müsabiqəsi keçirib.
Reportyor.info xəbər verir ki, bu müsabiqələr üzrə satınalma müqavilələrinin maliyyə dəyəri 26 322 311,58 manat edir.
Müsabiqələr əsasən aşağıdakı satınalma predmetləri üzrə elan edilib:
– Forumlar və beynəlxalq konfranslar üçün mallar və xidmətlər;
– Tədris və inzibati binaların mühafizəsi və yanğından qorunma;
– Liftlərə texniki xidmət və ehtiyat hissələr;
– Təmir işləri (tədris, yataqxana, qazanxana və inzibati binalar);
– Avadanlıq, inventar, texniki ləvazimat və poliqrafiya materialları;
– İKT avadanlıqları, aksesuarlar və proqram təminatı;
– Tələbə Elmi-Texniki Yaradıcılıq Mərkəzi üçün avadanlıq və materiallar;
– Mal-materiallar, mebel və ehtiyat hissələri;
– Mətbəə və dəftərxana xərcləri;
– Qaz, helium və maye qaz alınması;
– Beynəlxalq seminar, dəyirmi masa və tədbir təşkili;
– Layihə-smeta sənədlərinin hazırlanması;
– Tədbir və yubiley mərasimləri üçün mallar və xidmətlər;
– “Yüksək Texnologiyalar Mərkəzi” texnoloji layihələndirməsi;
– Nəqliyyat vasitələrinin alınması və texniki xidmət
– “Elektron Sənəd Dövriyyəsi” və İnsan Resursları idarəetmə sistemi.
BDU-nun keçirdiyi müsabiqələrdə isə aşağıdakı şirkətlər qalib elan edilib:
– “Admedia.Az” MMC
-“Harmony Industrial Construction and Engineering Group” MMC
– “Koneks Construction” MMC
– “Brendmark” MMC
– “Makro 2000 Eğitim Teknolojileri İnşaat Taahhüt Anonim Şirkəti”
– “İdeal Motors” MMC
– “Ecomed” QSC
– “Halal-P” MMC
– “Everest-2022” MMC
– “A.E.S.-Trading” MMC
– “Bright Solutions” MMC
– “VS Enerji Servis” MMC
– “Fire Alarm” MMC
– “Əmlak Layihə Smeta Bürosu” MMC
– “SA Services” MMC
– “Strong Group” MMC
– “Viktori Tur” MMC
– “The Mas Global Group” MMC
– “AE Union” MMC
– “Cihan Reklam AZ” MMC
– “Tikinti-Təmir-Təchizat-Bərpa” QSC
– “Promor” MMC
– “TFM-Smart Project” MMC
– “Azecolab” MMC
– “Brand Engineers” MMC
– “Aysberq KMT” MMC
– “Real-Qaz” MMC
– “Infinitech” MMC
– “Vest-LTD” QSC
– “R.İ.S.K. Elmi İstehsalat Şirkəti” QSC
– “Techsolutions” MMC
– “AAB Layihə-Tikinti” MMC
– “İdeal Office” MMC
– “Star Konstruktion-12” QSC
– “Viskond” MMC
– “Piramida-F.R.” MMC
– “A4 Plaza” MMC
– “Stone Construction” QSC
– “Subaru Azərbaycan” MMC
BDU-nun keçirdiyi tenderlərin qalibi seçilən bu şirkətlərin əhəmiyyətlinin hissəsinin adına heç bir yerdə rast gəlinmir. Yəni, BDU-dan iri məbləğli sifarişlər alan şirkətlərin çoxu tanınan biznes strukturlar deyil. Halbuki satınalma müsabiqələrində adətən kifayət qədər tanınan, maddi-texniki bazası layihələri icra etmək gücündə olan şirkətlər iştirak edir və qalib seçilib.
Konkret misallara keçək.
BDU-nun tenderlərində qalib gələn “Vest-LTD” QSC tender karlı kimi tanınır.
İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən, sözügedən şirkət 14 aprel 2010-cu il tarixində dövlət qeydiyyatına alınıb. Nizamnamə kapitalı 2050 manatdır. Şirkətin hüquqi ünvanı Bakı şəhəri, Binəqədi rayonu, Cavad xan, ev 51, mənzil 46-da yerləşir. “Vest-LTD” QSC-nin qanuni təmsilçisi isə Verdəliyev Şahin Əlimərdan oğludur.
Şirkət 2018-ci ilədək MMC kimi fəaliyyət göstərib. Həmin ildə isə “Vest-LTD” şirkətinin təşkilati-hüquqi forması dəyişdirilib.
Bu şirkət haqqında mediada yer alan məlumatlardan aydın olur ki, “Vest-LTD” QSC tender oyunlarında istifadə edilmək üçün yaradılıb. BDU-nun belə bir şübhəli şirkətə sifariş verməsi müəyyən qaramlıq məqamlardan xəbər verir.
BDU-nun tenderlərində qalib olan başqa bir şübhəli şirkət isə “Koneks Construction” MMC-dir.
Bu şirkət 27 noyabr 2019-cu ildə qeydiyyata alındığı göstərilir. Şirkətin nizamnamə kapitalı 10 AZN-dir. Hüquqi ünvanı Bakı şəhəri Binəqədi rayonu, Səttar Bəhlulzadə küçəsi, ev 39, mənzil 202-də yerləşən MMC-nin qanuni təmsilçisi Fərzəliyev Mehdi Məhəmmədəli oğludur.
“Koneks Construction” MMC də tender kralı kimi tanınır. “Koneks Construction” MMC ilə bağlı maraqlı məqamlardan biri də budur ki, şirkət gah geyim, gah dəftərxana ləvazimatları, gah da odun tədarükçüsü kimi çıxış edir. Bu azmış kimi şirkət təmit-tikinti sifarişləri alır.
Amma bu qədər müxtəlif profili olan şirkət haqqında heç bir məlumata rast gəlinmir.
Hələlik bu qədər. Növbəti yazımızda BDU-nun tender verdiyi digər qaranlıq şirkətlərdən bəhs edəcəyik
