İran prezidenti Məsud Pezeşkian türkiyəli həmkarına ünvanladığı mesajda regional sabitlik və inkişaf üçün əməkdaşlığın dərinləşdirilməsinin vacibliyini vurğulayıb.
Yeniera.az xəbər verir ki, İran prezidenti Məsud Pezeşkian dövlət başçısı Rəcəb Tayyib Ərdoğana və Türkiyə xalqına milli bayramları münasibətilə təbriklərini çatdıraraq, regional sabitlik və inkişaf üçün əməkdaşlığın dərinləşdirilməsinin vacibliyini vurğulayıb.
Pezeşkian öz mesajında qeyd edib ki, ikitərəfli münasibətlərin möhkəmləndirilməsi indiki şəraitdə getdikcə daha çox əhəmiyyət kəsb edir.
O qeyd edib ki, iki ölkə arasında əməkdaşlığın inkişafı hər iki ölkədə və bütövlükdə regionda sabitliyə, təhlükəsizliyə və inkişafa töhfə verəcək.
İran mətbuatı yazıb: “İran prezidenti İran və Türkiyə xalqları arasında uzun illər davam edən əlaqələrə və çoxsaylı oxşarlıqlara toxunaraq, birgə səylər və daimi məsləhətləşmələr nəticəsində iki ölkə arasında əlaqələrin iqtisadi, siyasi, mədəni və beynəlxalq sferalarda inkişaf edəcəyinə və dərinləşəcəyinə ümidvar olduğunu bildirib.
Yeganə
