Serbiya prezidenti Aleksandr Vuçiç bildirib ki, o, Kosovonun müstəqilliyini tanımaq və ya Avropaya inteqrasiya prosesini sürətləndirmək üçün Rusiyaya qarşı sanksiyalar tətbiq etmək niyyətində deyil.
Yeniera.az xəbər verir ki, bunu dövlət başçısı Brüsseldə jurnalistlərə açıqlamasında deyib.
“Bizim seçimimiz var. İstəsəniz, sabah, sözün əsl mənasında, sabah Rusiya Federasiyasına qarşı sanksiyalar tətbiq edəcəyik. Əgər istəsəniz, sabah bəyan edəcəyik ki, biz Kosovonun müstəqilliyini tanıyırıq və istədiyiniz vaxt Avropa İttifaqına üzv olacağıq”, – Serbiya lideri Aİ-nin genişlənmə sammitindən sonra jurnalistlərin suallarını cavablandırıb.
O, belə addımların Belqrad üçün qəbuledilməz olduğunu vurğulayıb.
“Mənə deyin – siz istəyirsiniz ki, bu bizim siyasətimiz olsun? Mən müstəqil Kosovonu tanımalı olduğumuzu düşünmürəm. Düşünmürəm ki, biz sanksiyalar tətbiq etməliyik”, – Vuçiç bildirib.
Prezidentin sözlərinə görə, Serbiyaya təzyiq sırf siyasi xarakter daşıyır.
Yeganə
