“Oreşnik” raket sistemi dekabrda Belarusda döyüş növbətçiliyinə gətirildikdən sonra statik qalmayacaq.
Yeniera.az xəbər verir ki, bunu Belarus prezidenti Aleksandr Lukaşenko bildirib.
“Biz heç bir təfərrüatı açıqlamayacağıq. Bu, mobil kompleksdir, o, heç vaxt bir yerdə qalmayacaq. O, müəyyən obyektlərdə patrul xidmətinə götürüləcək və lazım gələrsə, müəyyən istiqamətdən zərbə endirəcək”, – Lukaşenko deyib.
Lukaşenkonun sözlərinə görə, ABŞ hələ də Belarusda Rusiyanın taktiki nüvə silahlarının olub-olmaması barədə dəqiq məlumata malik olmadığını iddia edir.
“Yaxşı, qoy onlar nə istədiklərini düşünsünlər. Biz onlara xəbərdarlıq etmişik. Biz demirik. Neçə, harada, necə… Bu, bizim işimizdir. Onlar təhlükəsiz yerdədirlər”, – prezident qeyd edib.
Rza Əli
