Qəzza zolağına 2023-cü ilin oktyabrında başlayan hücumlar nəticəsində ölənlərin sayı 69 187 nəfərə çatıb.
Yeniera.az xəbər verir ki, Qəzzanın Səhiyyə Nazirliyi İsrailin hücumlarında ölənlərlə bağlı son məlumatı açıqlayıb.
Son 24 saatda biri dağıntılar altından xilas edilən iki fələstinlinin öldüyü, beşinin isə yaralandığı bildirilir.
Bəyanatda İsrail qüvvələrinin mülki əhaliyə, xüsusilə də sərhədin qərbində “sarı xətt” olaraq bilinənlərə atəş açdığı və Təl-Əviv hökumətinin bu hərəkətləri “xəttin pozulması” kimi müdafiə etdiyi qeyd edilib.
Atəşkəs qüvvəyə minəndən bəri 260 nəfər həlak olub, 632 nəfər yaralanıb, dağıntılar altından 532 cəsəd çıxarılıb.
Yeganə
