Avropa Komissiyasının sədri Ursula fon der Leyen Avropa Parlamentindəki çıxışında bildirib ki, Avropa İttifaqı (Aİ) Ukraynaya təxminən altı milyard avro əlavə maliyyə yardımı edəcək.
Yeniera.az xəbər verir ki, vəsaitlərə Aİ-də dondurulmuş Rusiyanın dövlət aktivlərindən əldə edilən faiz gəlirləri hesabına ödəniləcək kredit, həmçinin Ukrayna Mexanizmi proqramından alınan pullar daxildir.
Eyni zamanda, Avropa Komissiyası Ukrayna üçün yeni uzunmüddətli maliyyələşdirmə variantlarını təqdim edib. Von der Leyen yenidən dondurulmuş Rusiya aktivlərindən istifadənin tərəfdarı oldu və Komissiyanın təklif etdiyi sxemi ən effektiv yol adlandırdı.
Aİ ölkələri hələlik bu mexanizmi yekdilliklə dəstəkləyə bilməyiblər və dövlət başçıları Avropa Komissiyasına alternativ maliyyələşdirmə sxemlərini özündə birləşdirəcək müxtəlif variantlar hazırlamağı tapşırıblar. Növbəti həftələrdə müzakirələr davam edəcək.
Yeganə
