Zəngəzur dəhlizinin Azərbaycan seqmentində işlər 90% tamamlanıb.
Bu sözləri Yeniera.az-a açıqlamasında Milli Məclisin deputatı Azər Badamov bildirib.
Deputatın sözlərinə görə, gələn ilin birinci yarısında Azərbaycan tərəfi dəhlizin açılmasına hazır olacaq.
Azər Badamov qeyd edib ki, Ermənistan tərəfində işlərin hələ başlanmaması dəhlizin nə zaman açılacağı ilə bağlı suallar yaradır.
Ermənistan hakimiyyətinin məlumatına görə, dəhlizin onların ərazisindəki hissəsi 2028-ci ildə hazır olacaq. Bu da dəhlizin həmin ildə açılacağı anlamına gəlir.
Parlamentari əlavə edib ki, Zəngəzur dəhlizinin Ermənistan ərazisindən keçən hissəsi Trampın adını daşıyan TRIPP yolu kimi tanınır. Bu baxımdan dəhlizin açılmasının ABŞ-nin nəzarətində olduğu və tikinti işlərinin də bu ölkənin nvestisiyası hesabına aparılacağı qeyd olunur.
Millət vəkili sonda vurğulayıb ki, əgər ABŞ işləri sürətləndirərsə, Zəngəzur dəhlizi planlaşdırılandan daha tez açıla bilər.
Ariz Həsənoğlu