Bu həftənin əvvəlində ABŞ prezidenti Donald Tramp Ukraynadakı münaqişəyə son qoymaq üçün yeni sülh planını təsdiqləyib.
Yeniera.az xəbər verir ki, bu barədə “NBC News” telekanalı məlumat yayıb.
Mənbənin məlumatına görə, 28 bəndlik plan üzərində işdə ABŞ prezidentinin xüsusi nümayəndəsi Stiv Vitkoff, ABŞ vitse-prezidenti J.D.Vens, dövlət katibi Marko Rubio və Amerika liderinin kürəkəni Cared Kuşner iştirak ediblər.
Telekanal xəbər verir ki, plan üzərində işləyərkən ABŞ administrasiyasının yüksək rütbəli rəsmiləri Rusiya prezidentinin xarici ölkələrlə investisiya və iqtisadi əməkdaşlıq üzrə xüsusi nümayəndəsi Kirill Dmitriyev, eləcə də Ukrayna rəsmiləri ilə məsləhətləşiblər.
“Plan davamlı sülhü təmin etmək üçün hər iki tərəfə təhlükəsizlik təminatlarının verilməsinə yönəlib”, – adının açıqlanmasını istəməyən ABŞ rəsmisi “NBC News”-a bildirib. O, planın məzmunu ilə bağlı əlavə şərh verməkdən imtina edib.
Avropa rəsmisi və adının çəkilməsini istəməyən Ukrayna rəhbərliyinə yaxın mənbə televiziya kanalına bildirib ki, Kiyev bu sülh planının hazırlanmasında iştirak etmir və Ukrayna bu barədə yalnız ümumi şəkildə məlumatlandırılıb.
Yeganə
