Hindistan Hərbi Hava Qüvvələrinin Rusiya istehsalı olan Su-30MKI döyüş təyyarələri Fransanın cənub-qərbindəki Mont-de-Marsan aviabazasında keçirilən Garuda 25 təlimində iştirak edir və burada yerli istehsal olan Fransız Rafale və Mirage 2000 döyüş təyyarələri ilə birlikdə fəaliyyət göstərə bilər.
Yeniera.az xəbər verir ki, bu barədə “Military Watch Magazine” (MWM) jurnalı yazıb.
Qərb jurnalının məlumatına görə, “Garuda 25” təlimləri noyabrın 16-dan 27-dək keçirilir. “Mont-de-Marsan aviabazasından yayılan kokpit şəkillərində Rafale reaktivləri ilə yanaşı altı Su-30-un da nümayiş etdirilməsi təlimlərə xeyli diqqət çəkib”, – nəşr yazır.
Jurnal yazır ki, Qərb zabitləri Rusiyanın daha təkmil Su-30SM və Su-35 təyyarələri ilə sıx əlaqəli olan Hindistanın Su-30MKI-ləri ilə birgə təlimlərin keçirilməsi imkanını yüksək qiymətləndirirlər.
Nəşr xatırladır ki, oktyabrda Böyük Britaniya Kral Donanması F-35B qırıcıları ilə Su-30MKI qırıcıları arasında simulyasiya edilmiş hava döyüşü keçirib, bir il əvvəl isə Yaponiya Özünümüdafiə Qüvvələri analoji təlim keçirib.
Yeganə
