Ümumdünya Səhiyyə Təşkilatının (ÜST) baş direktoru Tedros Adhanom Qabreyesus Qəzzada atəşkəs dövründə minlərlə uşağın xəstəliklərə qarşı peyvənd edilməsini ümidverici adlandırıb.
Yeniera.az xəbər verir ki, Qabreyesus bu barədə “X”də yazı paylaşıb.
“Qəzzada atəşkəsin davam etdiyi bir vaxtda minlərlə qəzzalı uşağın başqa bir təhlükədən: peyvəndlə qarşısı alına bilən xəstəliklərdən qorunması ümidvericidir”,-Qabreyesus qeyd edib.
O, peyvəndlər üzrə Səhiyyə Nazirliyi və yerli tibb işçiləri ilə əməkdaşlıq edən ÜST həmkarlarına, həmçinin Birləşmiş Millətlər Təşkilatının Beynəlxalq Uşaq Fondu (UNICEF), Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyi (UNRWA) və Vaksinasiya Qlobal Alyansı (Va Qlobal Alyansı) və Vaksinasiya Qlobal Alyansına təşəkkür edib.
Qabreyesus vurğulayıb ki, ÜST tərəfdaşları ilə birlikdə peyvənd turlarının davam etdirilməsinə dəstək verəcək.
Qida çatışmazlığından əziyyət çəkən uşaqları yoxladıqlarını və onlara baxdıqlarını qeyd edən Qabreyesus “Qəzzanın gələcəyi gənclərinin sağlamlığından asılıdır”,-deyə fikrini yekunlaşdırıb.
Yeganə
