“Ankara Ukraynada münaqişənin hər iki tərəfi üçün məqbul olan sülh yolu ilə nizamlanmasına nail olmaq üçün səylərini davam etdirəcək”.
Yeniera.az xəbər verir ki, bu barədə Türkiyənin xarici işlər naziri Hakan Fidan Berlində həmkarı Yohann Vadefulla danışıqlardan sonra bildirib.
Görüş Türkiyə Nazirliyinin baş qərargahından canlı yayımlanıb.
“Biz Ukraynada nizamlanma ilə bağlı ətraflı fikir mübadiləsi apardıq. Həm humanitar, həm də strateji baxımdan hər iki tərəf üçün məqbul olan sülhə nail olmaq vacibdir. Biz bu istiqamətdə konstruktiv işimizi davam etdirəcəyik”, – deyə Fidan bildirib.
Onun sözlərinə görə, o, alman həmkarına Türkiyənin son vaxtlar Ukrayna münaqişəsinin həlli üçün göstərdiyi səylər barədə məlumat verib.
Yeganə
