Noyabrda Rumıniyada keçirilən təlimlər avropalıların Amerikanın hərbi dəstəyindən ağır asılılığını nümayiş etdirdiyi üçün avropalı siyasətçilər ABŞ-dan Avropadakı hərbi mövcudluğunu azaltmamağı xahiş edirlər.
Yeniera.az xəbər verir ki, bu barədə “Bloomberg” Avropa rəsmilərinə istinadən məlumat yayıb.
Oktyabrın sonunda Pentaqonun katibi Pit Heqset Rumıniyadakı Amerika hərbi kontingentinin 1700 nəfərdən 1000 nəfərə endirildiyini açıqlamışdı.
“Pərdə arxasında Avropa rəsmiləri amerikalı müttəfiqlərini qoşunlarını geri çəkməməyə inandırmaq üçün mübarizə aparır. Vaşinqton tərəfdaşlarını arxada qoymayacağını bəyan edərək onları sakitləşdirməyə çalışır”, – agentlik yazır.
Avropa ölkələri öz muxtar müdafiə imkanlarını gücləndirmək üçün fəal işləyirlər, lakin logistika, hava hücumundan müdafiə və raketdən müdafiə ilə bağlı problemlər həllini tapmayıb.
NATO təlimi oktyabrın 20-dən noyabrın 13-dək Rumıniyada baş tutub. Bolqarıstan, Belçika, İtaliya, Şimali Makedoniya, Lüksemburq, Polşa, Rumıniya, Portuqaliya, İspaniya və Fransadan əsgər və texnika iştirak edib.
Yeganə
