2025-ci ildə Naxçıvanda sosial ödənişlər üzrə dövlət dəstəyi əhəmiyyətli dərəcədə genişlənib və ümumi rəqəmlər artım trendini açıq şəkildə göstərir.
Yeniera.az xəbər verir ki, il ərzində sosial müavinətlər və təqaüdlər üzrə ümumilikdə 79,4 milyon manat vəsait ödənilib və bu göstərici əvvəlki illə müqayisədə 12% artım deməkdir.
Vəsait bölgüsünə baxdıqda, aylıq sosial müavinətlər üçün 45,9 milyon manat, birdəfəlik müavinətlər üçün isə 1,1 milyon manat ayrılıb.
Məcburi dövlət sosial sığorta hesabına ödənilən müavinətlərin həcmi 4,9 milyon manat, Prezident təqaüdləri üzrə ödənişlər isə 31,8 milyon manat təşkil edib.
Sosial təminatda diqqətçəkən məqam isə avtomatlaşdırılmış təyinat sistemidir. İl ərzində 7 158 nəfərə sosial müavinət və təqaüd proaktiv qaydada təyin edilib ki, bu da ümumi təyinatların 79%-ni təşkil edir. Məcburi dövlət sosial sığorta hesabına müavinətlər üzrə isə əlavə olaraq 1 882 nəfərə proaktiv təyinat aparılıb./trend.az