Azərbaycan Respublikasının Dövlət Statistika Komitəsində (DSK) yeni kadr və struktur islahatları çərçivəsində növbəti vəzifə dəyişiklikləri qeydə alınıb. Qurumun rəhbərliyində təmsil olunan daha iki məsul şəxs tutduğu postlardan uzaqlaşdırılıb.
Yeniera.az NOCOMMENT.az -a istinadən xəbər verir ki, Dövlət Statistika Komitəsinin sədri Azər Mursaqulov bununla bağlı müvafiq əmrlər imzalayıb.
Sədrin birinci əmrinə əsasən, Komitənin Aparatında mühüm struktur bölmələrindən biri olan Sənədlər və vətəndaş müraciətləri ilə iş şöbəsinin müdiri Sevda Süleymanova tutduğu vəzifədən azad edilib. Komitə rəhbərinin digər qərarı ilə o, fəaliyyətini tamamilə itirməyərək sözügedən komitədə baş məsləhətçi vəzifəsinə keçirilib.
Azər Mursaqulovun imzaladığı digər əmrlə isə həmin şöbədə ikinci rəhbər şəxs sayılan sənədlərlə və vətəndaş müraciətləri ilə iş şöbəsinin müdir müavini Elnur Bayramoğlu Əliyev də vəzifəsindən azad olunub. O, komitə sədrinin sərəncamı ilə aşağı xidməti pilləyə — sektor müdiri vəzifəsinə təyin edilib.