“Shaurma N1” restoranlar şəbəkəsi müştəri şikayəti ilə gündəmə gəlib.
Yeniera.az Bakıvaxtı.az-a istinadən xəbər verir ki, sosial şəbəkədə paylaşım edən vətəndaş uzun müddətdən sonra aldığı kiçik şaurmanın əvvəlki ilə müqayisədə xeyli kiçildiyini iddia edib.
Müştərinin sözlərinə görə, məhsulun ölçüsü əvvəlki standartlardan fərqlənir və nəzərəçarpacaq dərəcədə azalıb.
“Uzun müddətdən sonra ‘Shaurma N1’dən kiçik şaurma aldım. Məhsulun əvvəlki ilə müqayisədə nəzərəçarpacaq dərəcədə kiçildiyini gördüm. Demək olar ki, şaurma ‘truboçka’ ölçüsünə salınıb”, – deyə paylaşımda bildirilir.
Paylaşım sosial şəbəkələrdə geniş müzakirələrə səbəb olub.
Qeyd edək ki, son dövrlərdə müxtəlif ölkələrdə istehsalçı və iaşə müəssisələrinin qiyməti sabit saxlamaqla məhsulun çəkisini və ya ölçüsünü azaltması halları müşahidə olunur. Bu tendensiya iqtisadiyyatda “şrinkflyasiya” (shrinkflation) kimi tanınır.
Məsələ ilə bağlı “Shaurma N1″in mövqeyi məlum deyil.