Macarıstan Ukraynadan kənd təsərrüfatı məhsullarının idxalına qoyduğu məhdudiyyətləri davam etdirməyə qərarlıdır.
Yeniera.az xəbər verir ki, bu barədə Macarıstanın kənd təsərrüfatı naziri İştvan Naqi açıqlama verib.
Nazir bildirib ki, Ukraynadan buğda və qarğıdalı idxalı dayandırılmış qalacaq:
“Macar fermerlərinin maraqları hər şeydən üstündür. Biz idxal qadağasını davam etdirəcək və yerli fermerlərin bazarını qoruyacağıq. Ukrayna hökuməti də bu qərara anlayışla yanaşır və Macarıstan tələb etməyincə, bu məhsulların ixracı dayandırılacaq,” – deyə Naqi qeyd edib.
Qeyd edək ki, Macarıstan dəfələrlə bəyan edib ki, Ukrayna kənd təsərrüfatı məhsullarının Avropaya dempinq qiymətləri ilə tədarükü yerli fermerlərə ciddi iqtisadi ziyan vurur. Avropa İttifaqının 2022-ci ildə Ukraynadan idxala tətbiq edilən gömrük rüsumları və kvotaları ləğv etməsi, xüsusilə Şərqi Avropa ölkələrində fermerlərin vəziyyətini ağırlaşdırıb.
Vüsal Ömərov