Aİ Rusiya vətəndaşlarına uzunmüddətli Şengen turist vizalarının verilməsini dayandırıb.
Yeniera.az xəbər verir ki, bu barədə Politico məlumat yayıb.
Qəzetin məlumatına görə, Aİ Avropa ölkələrinə səfər edən rusiyalıların sayını azaltmağa yönəlmiş daha sərt məhdudiyyətlər üzərində işləyir. Politico qeyd edib ki, yeni qaydalar bu həftə qüvvəyə minə bilər.
Nəşr vurğulayıb ki, vizanın verilməsi ayrı-ayrı dövlətlərin səlahiyyətində olan məsələ olduğundan, Avropa Komissiyası hərtərəfli qadağa tətbiq edə bilməz, yalnız prosesi çətinləşdirə bilər.
Qeyd edək ki, 2024-cü ildə Avropa İttifaqı ruslara 552.000 Şengen turist vizası verib ki, bu da 2023-cü ilə nisbətən 10% çoxdur.
Rza Əli
