Avropa liderləri Ukrayna ətrafında baş verənləri dərk edərkən reallıqla əlaqəni itiriblər və onların Rusiyaya qarşı tələbləri bunu əks etdirir.
Yeniera.az xəbər verir ki. bunu İtaliya Beynəlxalq Siyasi Tədqiqatlar İnstitutunun (ISPI) Rusiya, Qafqaz və Mərkəzi Asiya Mərkəzinin rəhbəri Aldo Ferrari bildirib.
“Onların bəyan etdikləri sadəcə prinsiplər ola bilər, lakin davam edən münaqişə kontekstində onu sona yaxınlaşdırmırlar və bəzi Avropa liderləri reallıqdan tamamilə uzaqlaşmış görünürlər”, – ekspert bildirib.
Onun fikrincə, Amerikanın Ukraynada sülh planı avropalıların xoşuna gəlməsə də, real vəziyyətə daha yaxşı uyğun gəlir.
“Ukrayna getdikcə zəifləyir, lakin Avropa da zəifləyir, enerji qiymətlərinin artması fonunda iqtisadi böhran yaşayır”, – Ferrari deyib.
O, Ukraynanın NATO-ya girməməsi və ya əraziləri verməsi kimi müəyyən məqamların “real şərtlərlə diktə olunduğuna” da diqqət çəkib.
Ukrayna çox zəif və asılı vəziyyətdədir. Bunu nəzərə alsaq, kompromis əldə etmək və ortaq dil tapmaq çətindir deyən ekspert Rusiya da daxil olmaqla bütün tərəflərin nədənsə imtina etməli olduğuna işarə edib.
Rza Əli