Beynəlxalq Olimpiya Komitəsi (BOK) hələlik transgender idmançıların Olimpiya Oyunlarında iştirakı ilə bağlı yekun qərar qəbul etməyib.
Yeniera.az xəbər verir ki, bu barədə BOK-un mətbuat xidmətindən TASS-a məlumat verilib.
Qeyd edək ki, bundan əvvəl “The Times” qəzeti BOK-un transseksual idmançıların Olimpiya Oyunlarında qadın yarışlarında iştirakını qadağan edəcəyini yazıb.
“BOK-un Səhiyyə, Tibb və Elm üzrə direktoru tərəfindən ötən həftə komissiyasının iclasları zamanı BOK üzvlərinə məlumat verilib. İşçi qrup bu mövzu ilə bağlı müzakirələri davam etdirir və hələlik heç bir qərar qəbul edilməyib. Əlavə məlumat yaxın vaxtlarda veriləcək”, – mətbuat xidmətindən bildiriblər.
Gülnar Həmidova
