2026-cı ildə keçiriləcək G20 sammiti ABŞ-də baş tutacaq.
Yeniera.az xarici KİV-ə istinadən xəbər verir ki, bu barədə ABŞ Prezidenti Donald Tramp Ağ Evdə çıxışı zamanı məlumat verib.
Trampın sözlərinə görə, G20 sammitinin keçiriləcəyi şəhər Mayami olacaq:
“Təxminən son 20 ildə ilk dəfədir ki, ABŞ G20 sammitinə ev sahibliyi edəcək. Biz bu tədbiri ölkəmizin ən möhtəşəm şəhərlərindən biri olan, Florida ştatındakı gözəl Mayamidə keçirəcəyik”, – o vurğulayıb.
Qeyd edək ki, sözügedən sammit 2009-cu ildə ABŞ-nin Pensilvaniya ştatının ikinci ən böyük şəhəri Pittsburqda baş tutmuşdu.
Xatırladaq ki, bu ilin noyabrında G20 sammitinə Cənubi Afrika ev sahibliyi edəcək.
