Milliyyətçi Hərəkat Partiyasının (MHP) sədri Dövlət Baxçalı, terrordan azad bir Türkiyənin ölkənin ən mühüm və tarixi hədəflərindən biri olduğunu bildirib. Korrekt.az xəbər verir ki, Baxçalı, bu hədəfə çatmaq üçün heç bir güzəştə getməyəcəklərini, təxirə salma və tərəddüdün mümkün olmadığını vurğulayıb. O, hədəfinə çatmaq üçün qətiyyətlərinin tam olduğunu və bu yolda heç kimə güzəşt edilməyəcəyini qeyd edib. Baxçalı, bu vəziyyəti “Ox yayından çıxdı, gəmilər yandı” ifadəsi ilə təsvir edib.
Dövlət Baxçalı, MHP-nin “Terrorsuz Türkiyə” məqsədinə çatmaq üçün sarsılmaz bir iradə nümayiş etdirəcəyini bildirib. O, bu hədəfin, Cümhuriyyət tarixində atılan ən təsirli addımlardan biri olduğunu və bu məqsədin həyata keçirilməsi üçün heç bir təxirə salma və tərəddüdün qəbul edilməyəcəyini əlavə edib. Baxçalı, həmçinin əks istiqamətdə hər hansı bir davranışı, millətə və dövlətə qarşı müqavimət kimi qiymətləndirəcəklərini bildirib.
MHP lideri, “Böhtan və ittihamlar bizi yolumuzdan döndərə bilməz” deyərək, bəzi iddialara da reaksiya verib. O, partiyası daxilində çevriliş etmək niyyətində olan şəxslərin olmasının mümkünsüz olduğunu vurğulayıb və bu tip ittihamları “cəfəngiyat” olaraq qiymətləndirib.
Baxçalı, həmçinin Suriyanın şimal-şərqində nüfuz sahibi olan Suriye Demokratik Gücləri (SDG) və YPG-nin hələ də silahları yerə qoymadığını qeyd edib və Abdullah Öcalanın çağırışının PKK ilə yanaşı, bütün separatçı terror qruplarını əhatə etdiyini bildirib. Bu açıqlama, Türkiyənin terrordan təmizlənmə hədəfinin, yalnız PKK-nı deyil, bütün terror təşkilatlarına qarşı bir mübarizə olduğunu bir daha göstərmiş oldu.
Baxçalı, partiyasının bu hədəfə çatmaq üçün hər cür çətinliklə mübarizə aparacağını və heç bir halda geri addım atmayacaqlarını söyləyib.
