Günəşdə nadir astronomik hadisə “qara” məşəl qeydə alınıb.
Yeniera.az xəbər verir ki, Rusiya Elmlər Akademiyasının Kosmik Tədqiqatlar İnstitutunun (İKİ) Günəş Astronomiya Laboratoriyası məlumat yayıb.
Məlumata görə, hadisə dekabrın 8-də Moskva vaxtı ilə saat 00:00-da baş verib.
Laboratoriyanın açıqlamasına görə, Günəşdə baş verən partlayış parçalanıb və sıx, soyuq hidrogen buludunu günəş diskinə səpələyib. Səhərə yaxın “qara bulud” tamamilə “əriməyə” başlayıb. “Soyuq plazma qismən dağılıb və böyük hissəsi günəş istisinin təzyiqi altında buxarlanıb”, – deyə məlumatda vurğulanır.
Qeyd edək ki, bundan əvvəl dekabrın 8-i səhər saatlarında Günəşdə yüksək səviyyəli rentgen şüalarının partlaması qeydə alınmışdı.
YENİERA.AZ
