İctimai yerlərdə – hava limanlarında, ticarət mərkəzlərində və digər kütləvi məkanlarda yerləşən USB çıxışları vasitəsilə telefonun batareyasını doldurmaq təhlükəlidir.
Yeniera.az xarici mediaya istinadla xəbər verir ki, rəqəmsal ekspert Sergey Kuzmenko xəbər verir ki, cib telefonuna enerji yükləyərkən istifadə olunan portların özündə təhlükə mənbəyi ola bilər.
Mütəxəssisin izahına görə, kibercinayətkarlar enerji üçün nəzərdə tutulmuş qurğuya gizli aparat və proqram təminatı yerləşdirə bilər. Belə qurğu kompüter yaddaşı və ya klaviatura kimi görünərək telefona qoşulduqda zərərli proqram quraşdırıla və şəxsi məlumatlar oğurlana bilər. Xüsusilə uzun müddət təhlükəsizlik yeniləmələri almayan köhnə telefonlar bu hücumlara daha həssasdır.
Təhlükənin əlaməti isə cihazın ekranında icazə sorğusunun və ya qəribə bildirişlərin görünməsidir. Ekspert tövsiyə edir ki, təhlükəsizlik məqsədilə ictimai çıxışlardan istifadə etmək yerinə portativ enerji bloku (nəqliyyat vasitəsi kimi enerji daşıyıcısı) götürülsün və cihazların proqram təminatı mütəmadi yeniləndirilsin.
Leyla Cəfərova
