Məlumdur ki, ötən gün Danimarka və Norveçin hava limanları səmada uçan müəmmalı dronlara görə bağlanıb.
Yeniera.az-ın məlumatına görə, Danimarka kəşfiyyatı pilotsuz təyyarələrin Kopenhagen hava limanında saatlarla hava axınını pozmasından sonra ölkənin yüksək təxribat təhlükəsi ilə üzləşdiyini açıqlayıb.
Danimarka polisi dronların arxasında kimin olduğunu bilmədiklərini bildirib.
Danimarkanın xarici işlər naziri Lars Lokke Rasmussen BMT Təhlükəsizlik Şurasının iclasında xəbərdarlıq edib ki, Rusiyanın NATO hava məkanını pozması Avropanın təhlükəsizlik arxitekturasına zərbə vurmaq cəhdidir.
Təxminən 50 reys başqa hava limanlarına yönləndirilib. Hava limanı dörd saatlıq bağlandıqdan sonra yenidən açılıb, lakin gecikmələr davam edib.
Norveçin paytaxtı Oslodakı hava limanı da pilotsuz təyyarələrin müşahidəsi səbəbindən həmin gecə hava məkanını bağlayıb. Uçuşlar ən yaxın hava limanlarına yönləndirilib.
Ümumiyyətlə, Avropadakı hava limanları son həftələrdə Rusiya dronları səbəbindən bir sıra təhlükəsizlik problemləri ilə üzləşiblər.
Bu yaxınlarda London Hitrou, Berlin və Brüssel hava limanlarında qeydiyyat və minmə sistemləri kiberhücumlar nəticəsində pozulub.
Rza Əli
