“Avropa Siyasi Birliyinin İrəvandakı toplantısı gələn ilin may ayına planlaşdırılıb, parlament seçkiləri isə iyundadır. Paşinyan parlament seçkilərində qələbəyə ümid edir, ondan sonra isə Konstitusiyanı dəyişəcəyi və referendum keçiriləcəyini bildirir”.
Bu sözləri Yeniera.az-a politoloq Elxan Şahinoğlu bildirib.
Onun sözlərinə görə, Ermənistanın indiki Konstitusiyasında Azərbaycana ərazi iddiasını ehtiva edən bənd var:
“Mövqeyimiz bəllidir, o bənd çıxarılmalıdır ki, Ermənistanla sülh müqaviləsini imzalayaq. Əlbəttə, sülh müqaviləsi də imzalanmayana qədər Azərbaycan Prezidenti İlham Əliyevin may ayında Ermənistanda keçiriləcək toplantıda iştirakı müəyyən suallar doğurur. Lakin Paşinyan erkən parlament seçkilərinə qərar verərsə, məsələn, bu ilin sonu və yaxud gələn ilin əvvəli referendum keçirib Konstitusiyanı dəyişərsə, bu, həm sülh sazişinin imzalanmasını sürətləndirəcək, həm də İlham Əliyevin may ayındakı tədbirdə iştirakını təmin edəcək. Bunlar olmadan İlham Əliyevin tədbirdə içtirak edəcəyi ehtimalı getdikcə azalır”.
Ariz Həsənoğlu
