İsrail ordusunun mətbuat xidməti Qəzza zolağına növbəti dəqiq zərbə endirib.
Yeniera.az xəbər verir ki, hədəf anklavın şimal hissəsindəki Beyt Lahiya şəhəri yaxınlığında olub. Bu, silahların saxlanıldığı hərbi infrastruktur obyekti idi. İsrail tərəfinin bildirdiyinə görə, orada saxlanılan silahlar yaxın gələcəkdə İsrail hərbçilərinə qarşı hücum üçün nəzərdə tutulub.
“Cənub Komandanlığında İDF qoşunları atəşkəs razılaşmasına uyğun olaraq Qəzza zolağında]yerləşdirilib və istənilən ani təhdidlərə qarşı durmağa davam edəcək”, – ordu bildirib.
Bir gün əvvəl İsrail HƏMAS hərəkatının silahlı radikalları tərəfindən atəşkəsi pozduğunu elan edib, bundan sonra İsrail ordusu Qəzza zolağına zərbələr endirməyə başlayıb. Oktyabrın 29-da səhər saatlarında İsrail anklavda atəşkəs rejiminə yenidən riayət etməyə başladığını elan edib.
Yeganə
