İsrail qüvvələri atəşkəsə baxmayaraq Qəzza zolağında bir neçə ərazini atəşə tutub.
Yeniera.az xəbər evrir ki, bu barədə “Əl-Cəzirə” telekanalı Fələstin mənbələrinə istinadən məlumat verib.
Mənbənin məlumatına görə, anklavın cənubunda İsrail hərbçiləri Rəfah şəhərinin şimal-qərb ətrafındakı Əş-Şakuş bölgəsini, eləcə də Xan Yunisin şərqindəki Bəni-Suheyla bölgəsi yaxınlığında atəş açıblar.
Bundan əlavə, Qəzza şəhərinin şərq kənarında və Qəzza zolağının şimalındakı Beyt Lahiya qəsəbəsinin bir məhəlləsinə də hava zərbələri endirilib. Beyt Lahiyadakı məktəb binasının vurulduğu bildirilir. Hadisələrin nəticələri barədə məlumat verilməyib.
Fələstinin HƏMAS hərəkatının silahlı tərəfdarlarının 2023-cü il oktyabrın 7-də Qəzza zolağından İsrail ərazisinə daxil olması, sərhəd yaşayış məntəqələrinin sakinlərini öldürməsi və 250-dən çox insanı girov götürməsindən sonra Yaxın Şərqdə vəziyyət kəskin şəkildə gərginləşib.
Buna cavab olaraq İsrail HƏMAS-ın hərbi və siyasi strukturlarını məhv etmək və oğurlananların hamısını azad etmək məqsədi ilə anklavda hərbi əməliyyata başlayıb.
Yeganə
