Avropa İttifaqı (Aİ) Xarici İşlər Xidmətinin rəhbəri Kaya Kallas Polşada dəmir yolu partlayışından sonra Aİ-nin nəqliyyat infrastrukturunun mühafizəsinin artırılmasına çağırıb.
Yeniera.az xəbər verir ki, Kallas bu barədə Brüsseldə mətbuat konfransında deyib:
“Polşada dəmir yolu partlayışı Avropa infrastrukturu üçün görünməmiş riski vurğulayır. Avropanın kritik infrastrukturunun daha yaxşı qorunmağa ehtiyacı var”,-deyə Kallas bildirib.
Noyabrın 16-da səhər saatlarında paytaxtın Mazovetski Voyevodalığında qatar maşinisti Ukrayna ilə Dorohusk sərhəd-keçid məntəqəsinə gedən relslərin zədələnməsini aşkar edib. Nəqliyyatın hərəkəti dayandırılıb, xəsarət alan olmayıb. Noyabrın 17-də hadisə yerinə baş çəkdikdən sonra Polşanın Baş naziri Donald Tusk relslərin partlayış nəticəsində zədələndiyini bildirib və hadisəni təxribat aktı adlandırıb. Polşa prokurorluğu hadisə ilə bağlı terrorizm ittihamı ilə cinayət işi açıb. Çərşənbə axşamı Tusk bəyan edib ki, dəmir yolu təxribatını Belarusla sərhəddəki Terespol keçid məntəqəsi vasitəsilə Polşanı tərk etməyə müvəffəq olan iki Ukrayna vətəndaşı həyata keçirib. O, qeyd edib ki, partlayışda iştirak edənlərin Rusiya kəşfiyyat xidmətləri ilə əlaqəsi olduğu iddia edilir.
Yeganə
