Cəlilabadda üzərində xəsarət izi olan meyit aşkarlanıb.
YENİERA.az-ın cənub bürosunun verdiyi xəbərə görə, hadisə rayonun Sərhədabad kəndində qeydə alınıb.
Araşdırmalarla məlum olub ki, meyit kənd sakini, 14 yaşlı Abdulhüseynli Mirkamal Mirqafur oğlu Abdulhüseynliyə aiddir.
İlkin məlumata görə, mərhumun ürək nahiyəsində xəsarət izi var.
Hadisənin qətl və ya bədbəxt hadisə nəticəsində olması hələlik məlum deyil.
Faktla bağlı rayon prokurorluğunda araşdırma aparılır.
***
Məlum olub ki, M.Abdulhüseylinin anası, Səliqə Abdulhüseynova əlində bıçaqla ət doğrayan zaman ehtiyatsızlıqdan oğlunu itələyib və o bıçaq xəsarəti alıb.
Xəstəxanaya çatdırılan yeniyetmənin həyatını xilas etmək mümkün olmayıb.
S. Abdulhüseynova saxlanılıb, faktla bağlı araşdırma aparılır.
DİN-in Mətbuat Xidmətinin regional qrupundan hadisə ilə bağlı YENİERA.az-ın Cənub bürosunun sorğusuna cavab olaraq bildirilib ki, faktla bağlı polis və prokurorluq əməkdaşları tərəfindən araşdırma aparılır.
Hadisə ilə bağlı əlavə şərh verilməyib.