Moldovanın İsraildən ATMOS 2000 özüyeriyən artilleriya sistemləri alması onu deməyə əsas verir ki, Kişinyov hücum əməliyyatlarına hazırlaşır.
Yeniera.az xəbər verir ki, bunu Rusiya-Moldova Dostluq və Əməkdaşlıq Mərkəzinin rəhbəri Dmitri Sorokin TASS-a bildirib.
“Moldova silahlı qüvvələri davamlı olaraq xarici silahlarla təchiz edilir. Məsələn, ölkə bu yaxınlarda İsraildən ATMOS 2000 artilleriya sistemləri alıb. Moldova Prezident Maia Sandu bu silahların müdafiə məqsədi daşıdığını iddia etsə də, onların taktiki və texniki xüsusiyyətləri təbii olaraq hücum xarakteri daşıyır,” – Sorokin deyib.
Bundan əlavə, Sorokin Moldova ordusunun sayını 30% artırmaq və qoşun sayını 6500-dən 8500-ə çatdırmaq planlarını vurğulayıb.
Sorokin Rumıniyada keçirilən bugünkü hərbi paradda Moldova hərbçilərinin də iştirak etdiyinə də diqqət çəkib:
“Belə parad və təlimlərdə iştirak hərbi gücün nümayişi kimi şərh edilə bilər, bu, heç də silahlı qüvvələrin əməliyyat hazırlığını əks etdirmir. Moldova ordusunun hazırkı vəziyyəti bəyan edilmiş niyyətlərlə faktiki döyüş qabiliyyəti arasında əlaqənin kəsilməsindən xəbər verir”, – o, sözlərini yekunlaşdırıb.
Rza Əli
