Müdafiə naziri Antti Hakkänen bildirib ki, Finlandiya hakimiyyəti Finlandiya ərazisində NATO Daimi Komandanlığının bölməsini yerləşdirməyi planlaşdırır.
Yeniera.az xəbər verir ki, bu barədə Departamentin mətbuat xidməti məlumat yayıb.
Hakkänen qeyd edib:
“Alyans bölməsinin Finlandiyada yerləşdirilməsi NATO-nun ölkəmizi və blokun bütün şimal ərazisini müdafiə etmək qabiliyyətini gücləndirəcək”.
Nazirin sözlərinə görə, bölmə Finlandiyadakı və lazım gələrsə, bütün alyans ərazisində NATO qüvvələrini dəstəkləmək üçün rabitə və informasiya sistemlərinin təmin edilməsi məsələləri ilə məşğul olacaq.
Bölmənin 50 nəfərə yaxın şəxsi heyətinin olacağı gözlənilir. Yekun qərar NATO müdafiə nazirlərinin 2026-cı ilin fevralında keçiriləcək iclasında veriləcək.
Xatırladaq ki, oktyabrın əvvəlində Finlandiyanın cənub-şərqindəki Mikkelidə NATO-nun quru qüvvələrinin qərargahı rəsmi olaraq açılıb. Rusiya sərhədindən 200 kilometrdən az məsafədə yerləşən yeni qərargah 24 saat işləyir və ABŞ-ın şərq sahilindəki Norfolkdakı qərargahına hesabat verir.
Yeganə
