İsrailin baş naziri Benyamin Netanyahu Britaniyanın Fələstin dövlətçiliyini tanımaq qərarının Mançesterdəki sinaqoqda törədilən terror aktına təsir etdiyini irəli sürüb.
Yeniera.az xəbər verir ki, Netanyahu bu barədə sosial şəbəkədə belə fikirlər səsləndirib:
“İsrail Mançesterdəki vəhşi terror aktından sonra Böyük Britaniyadakı yəhudi icması ilə birlikdə yas saxlayır. Qəlbimiz həlak olanların ailələri ilədir və yaralananların tezliklə sağalması üçün dua edirik. BMT-də xəbərdarlıq etdiyim kimi, terror qarşısında zəiflik yalnız onu gücləndirir. Yalnız güc və birlik onu məğlub edə bilər”.
Qeyd edək ki, Netanyahu bundan əvvəl Fələstin dövlətçiliyini tanıyan ölkələrin hökumətlərini zəiflikdə ittiham edərək, bu ölkələrin rəhbərlərinə qəzəbli məktublar göndərmişdi.
Onu da əlavə edək ki, bu gün İngiltərənin Mançester şəhərində sinaqoqa hücum olub.
Hadisə nəticəsində İki nəfər ölüb, üç nəfər ağır yaralanıb.
Mançester polisi hadisəni terror aktı adlandırıb.
Rza Əli
