Kremlin sözçüsü Dmitri Peskov ABŞ dövlət katibi Marko Rubionun Amerika hökumətinin fikrincə, Rusiyanın Ukraynada sülhə can atmadığı barədə bəyanatını şərh edib.
Yeniera.az xəbər verir ki, bu barədə “TASS” məlumat verib.
“Biz çətin ki, bununla razılaşaq. Rusiya həqiqətən sülh istəyir. Rusiya Ukrayna probleminin siyasi və diplomatik yollarla həllinə açıqdır”.
Kanadada keçirilən G7 Xarici İşlər Nazirləri Sammitindən sonra jurnalistlərə açıqlama verən Marko Rubio ABŞ-ın Rusiyanın sülh yolu ilə nizamlanmanı istəmədiyinə inanıb-inanmadığı ilə bağlı sualı cavablandırıb.
“Biz yalnız gördüklərimizə görə mühakimə edə bilərik. Onlar açıq şəkildə bildirdilər ki, bütün Donetski istəyirlər və təbii ki, ukraynalılar bununla razılaşmayacaqlar. Deməli, bəli, bu, bizim çıxarmalı olduğumuz nəticədir. Onlar Ukraynanın razılaşa bilməyəcəyi tələblər irəli sürüblər və biz indi oradayıq”, – Rubio bildirib.
Yeganə
