ABŞ-da siyasi gündəm çalxalanır. “Daily Mail” nəşrinin məlumatına görə, Prezident Donald Tramp xalqa müraciətindən bir neçə saat əvvəl Baş prokuror Pem Bondi ilə görüşüb. Mənbələr bildirir ki, Bondi vəzifədə qalmaq üçün Trampa sözün əsl mənasında yalvarıb, lakin prezident onun fəaliyyətini “bağışlanılmaz qüsur” adlandıraraq qərarından dönməyib.
Yeniera.az xəbər verir ki, Bondinin qovulmasının arxasında bir neçə ciddi səbəb dayanır. İnsayderlərin məlumatına görə, əsas narazılıq “Epşteyn faylları” ilə bağlıdır. Tramp və yaxın ətrafı Ədliyyə Nazirliyinin bu materialların dərcində şəffaflıq nümayiş etdirməməsindən və bəzi “müştəri siyahılarını” gizlətməyə çalışmasından qəzəblənib.
Bundan başqa, Tramp Bondini məxfi məlumatları konqresmen Erik Suolvellə sızdırmaqda şübhəli bilir. Söhbət konqresmenin Çin casusu “Fang-Fang” ilə əlaqələrinə dair sənədlərdən gedir. Bondinin Suolvellə şəxsi dostluğu Ağ Evdə böyük narazılıq doğurub. Həmçinin, prezidentin öz siyasi rəqiblərinə qarşı məhkəmə işlərinin uğursuzluğa düçar olması səbəbindən də prokurordan ciddi şəkildə narazı qaldığı vurğulanır.//NOCOMMENT.az