Almaniya Potsdam polisi Ukraynanın xüsusi hərbi bölməsinə məxsus üç əsgər və dörd peşəkar dalğıcın həbsi üçün order verib.
Yeniera.az xəbər verir ki, bu barədə xarici media məlumat yayıb.
Məlumata görə, qrup 2022-ci ildə “Şimal axını” qaz kəmərlərində baş verən partlayışlara görə ittiham olunur.
2022-ci ilin payızında “Şimal axını” və “Şimal axını-2” qaz kəmərlərində baş verən sualtı partlayışlar nəticəsində bir neçə kəmər məhv edilmişdi, üçündə isə qaz sızması aşkar edilmişdi.
Qrupu 49 yaşlı Sergey K. idarə edib və o, İtaliyanın şimalındakı həbsxanada saxlanılır. Məhkəmə onun Almaniyaya təhvil verilməsi barədə iki dəfə qərar çıxarıb, müdafiə tərəfi isə qərardan şikayət verməyə davam edir.
Digər şübhəli, 46 yaşlı Vladimir J., Polşada həbs olunmuşdu, lakin Varşava məhkəməsi onun Almaniyaya ekstradisiyasını rədd edib və o, azadlığa buraxılıb.
Rza Əli
