İranın xarici işlər naziri Abbas Əraqçi deyib ki, Rusiya və Çinin BMT Təhlükəsizlik Şurasının daimi üzvləri kimi paylaşdığı Tehranın fikrincə, İrana qarşı sanksiyaların bərpası üçün “snapback” mexanizmi işə salınmayıb.
Yeniera.az xəbər verir ki, bu barədə İranın “Mehr” agentliyi məlumat yayıb.
Əraqçi bildirib ki, İran, Rusiya və Çinin ortaq mövqeyinə əsaslanaraq, sürətli cavab mexanizmi işə salınmayıb və BMT Təhlükəsizlik Şurasının 2231 saylı qətnaməsinin qüvvədə olma müddəti rəsmən başa çatıb.
“Bu qətnamənin müddətinin başa çatması ilə BMT Təhlükəsizlik Şurasının İrana qarşı bütün məhdudiyyətləri tamamilə aradan qaldırılacaq və İranın nüvə məsələsi Şuranın gündəliyindən çıxarılacaq”, – deyə Əraqçi bildirib.
O, əlavə edib ki, bu mövqe geniş beynəlxalq dəstək alıb:
“Qoşulmama Hərəkatının son sammiti zamanı 120-dən çox ölkə yekun kommünikedə bu fikri dəstəklədi. Tehran və Moskva arasında geniş əməkdaşlıq 20 illik hərtərəfli əməkdaşlıq sazişinin imzalanması ilə daha da möhkəmlənən davamlı və uzunmüddətli tərəfdaşlığı əks etdirir”.
Yeganə
