Rusiya bütün məqsədlərinə çatandan sonra Ukrayna ilə münaqişə başa çatacaq.
Yeniera.az Interfax-a istinadən xəbər verir ki, bunu Rusiya prezidentinin sözçüsü Dmitri Peskov bildirib.
“Əlbəttə, biz bu münaqişənin tez bir zamanda sona çatmasını istərdik. Və Rusiya ilkin məqsədlərinə çatanda o, bitə bilər”, – Peskov Trampın Ukraynadakı münaqişənin yaxın vaxtlarda sona çatacağı ilə bağlı bəyanatını şərh edərkən deyib.
Onun sözlərinə görə, Rusiya münaqişəni siyasi və diplomatik yollarla həll etməyə üstünlük verəcək. O, Rusiya tərəfinin bu yanaşmaya açıq olduğunu vurğulayıb.
Hazırda fasilə yaranıb , bu, Moskvanın günahı deyil. Ukrayna tərəfi söhbəti davam etdirmək istəmir.
“Ukraynanın müharibədə qalib gələ biləcəyinə və öz maraqlarını hərbi yolla müdafiə edə biləcəyinə inanan avropalılar onları hər cür təhrik edir”, – Kreml sözçüsü qeyd edib.
Onun fikrincə, bu, Kiyevin yol verdiyi ən böyük səhvdir.
Gülnar Həmidova
