Serbiya prezidenti Aleksandr Vuçiç yaxın günlərdə Avropa İttifaqı (Aİ), Kiyev və ABŞ-dakı liberal qüvvələr tərəfindən Rusiya və ABŞ liderləri arasında Budapeştdə keçiriləcək görüşü pozmağa cəhdlər ediləcəyindən qorxur.
Yeniera.az xəbər verir ki, Vuçiç bu barədə jurnalistlərə deyib:
“Yaxın günlərdə Ukrayna ilə birlikdə qondarma liberal, solçu Amerika və Avropa ölkələrindən bu sammitin Budapeştdə baş tutmasının qarşısını almaq üçün güclü təzyiq gözləyirəm”.
Serbiya lideri hesab edir ki, sammiti pozmaq üçün prezident təyyarələrinin uçuş icazəsinin verilməməsi kimi tədbirlərdən istifadə oluna bilər.
“Lakin bu, təkcə Rusiya Federasiyası ilə deyil, həm də Donald Tramp və ABŞ-la açıq qarşıdurma demək olardı ki, mənə elə gəlir ki, bu gün heç kimin buna gücü çatmaz”, – deyə Vuçiç vurğulayıb.
Yeganə
