Ukraynanın Xerson vilayətinin Korabelnı rayonunun Rusiya tərəfindən intensiv atəşə tutulması nəticəsində iki nəfər həlak olub, ən azı 21 nəfər yaralanıb, onlardan üçü yetkinlik yaşına çatmayan şəxslərdir.
Yeniera.az xəbər verir ki, bu barədə “RBK-Ukrayna” Xerson vilayət Hərbi Administrasiyasının rəhbəri Aleksandr Prokudinin açıqlamasına istinadən bildirib.
Hücum nəticəsində çoxmənzilli və fərdi evlərə, trolleybus və marşrut avtobusuna ziyan dəyib. Hadisə yerində qəza-xilasetmə xidmətləri işləyir.
